مشاركة الشاعر حمد المري بمسابقة شاعر المعنى

محاورة حماسية بين الشاعر حمد الدحابيب المري و الشاعر عيضة الثبيتي

عيضه الثبيتي

مــرحبا باسم الرجال اللّي لهم قاله وطاله

_____________________ كاسبــــين الأوله والثانيه واللّي وراها

يالدحابيب أنت جاك من السحاب أول خياله

____________________والمزون الباقيه تبرق وترعد في سماها

حمد الدحابيب المري

والبقاء والمعذرة والاش ماخدم مجاله"="يا هل المرقاب علّي جيتكم في مبتداها
يكتب الله مايكون وصخر الشاعر جزاله"="ياالثبيتي سرها حتى توصل مبتغاها

عيضه الثبيتي

ماعرف الرجال لين اسمع جوابه من سؤاله

______________________والعــلوم اللي على بالك على باللي تراها


ياعسى المرّي يعلمّنا عن اكبر ما جراله؟!
 _____________________المثل قال((الرجال فعولها تشهد علاها))

حمد الدحابيب المري

 ياولد معيوض يضحك شاربة راع الشكاله"="العرب لا تشتكي فقرانها مدت غناها
لجنة التحقيق حطت صورة المدعو دلاله"="وأنت تكتبها على كيفك ومن حبك قراها

عيضه الثبيتي

استديري ياليالي واستديري يامــحاله

__________________بيني وبين ابن مره ساع مادارت رحاها


والله انا من رياجيــلٍ نعدّل كل مـــاله

_________________قبل لاتفرح عدانا فوقنا نلعن ثواها

حمد الدحابيب المري

  طيعي المشهور بالله وستديري يالياله"="والرجال الطيبة ماودنا نبحث خفاها


ياعدال الميل لا ترتاع والدعوى سهاله"="الدروب الثنين وأنت تشوف وأختر في حداها

عيضه الثبيتي

 ياصحيبي فزعــــة الــــرجال عمانه خواله

_____________________قالو العراف مايبــــــن الديار الاّ حصاها

مير لاتنزل محيطً(ن)تضرب الامواج جاله

_____________________طيع شوري لا تقرّب للبحور تخض ماها

حمد الدحابيب المري

الله الله وش تبرر موقفٍ شيهد خماله"="وأنت فاهمني وتدري بسوالف ومعناها
ويش يصبركم على وقتٍ ميامينه شماله"="يوم عاد أم اليتيم تدور الخبز لظناها
 
عيضه الثبيتي

المصيبه كلها من واحدً مالي وماله

______________________يافلان اللي يدورها على نفسه لقاها

والله انه صاحي ومجنون وتخّمه هباله

______________________والمصيبه يوم ثوّر بندقه داخل خباها

حمد الدحابيب المري 

كل كايد هان بأمر المعتلى جلا جلاله"="والله أن تبطي جروحٍ مشكلتها من دواها
يحسب أن راع الجريمة مايسلم للعداله"="ياثبيتي شفت ربي كيف بالذل أبتلاها

عيضه الثبيتي

البدايه يالالالــــه والنــــهايه يــــــالاله

___________________يالدحابيب اختم الموضوع قرّب منتهــــاها

ياعساني ماعدم المرقاب ومقابل رجاله

____________________الرجال اللي على التقدير عالي مستواها


حمد الدحابيب المري

يالالالــــه ماتجي من عندنا كب البياله"="بارك الله فيك والريحان والعنبر شذاها
ياهل المرقاب دام العز وأنتوا من عياله"="والرجال أهل الوفاء والجود ماينقص غلاها

                         
                                محاورة (منتديات المرقاب الادبية)  08-01-2004

أنا لي خوي

انـا لــي خــويٍ يـكـرم الـجـار والضيـفـان وعــاده شـجـاعٍ يلـطـم الـضـد والجـانـي

ليـا صـار كـلٍ يمـدح الربوعـه الشجـعـان فلـي عـزوةٍ ضفـران فــي كــل ميـدانـي

من الاد مرصع مزبن اللي شكـا الأزمـان وذرا المستجير اللـي بـلا ربـع وأخوانـي

عويريـةٍ تقـبـل عـلـى الـشـر يــوم يـبـان وتخـضـع جنـابـة لـيـن يخـضـع وينهـانـي

عٌـصـاة الطـغـاة ويطـمـح الـعـز للغـفـران وكسابـتـه غصـبـاً عـلـى كـــل خـوانــي

شبيبـيـةٍ تــارد عـلـى الـمـوت ماتـنـهـان عـذاب العـداء فـي كـل هـيـه وبرهـانـي

من المـرة اللـي شانهـا فالقبايـل شـاني سجـل لهـا التاريـخ بالفعـل شجعـانـي

صنـاديـد يــام ويــام شجعانـهـم كـرمـان ليـا شحـوا أهـل المـال ذربيـن الايمانـي

ولا أجحد فعول اهل الجزيرة ذرا العربـان وكــل القبـايـل حـقـهـا مـاخـفـى بـانــي

سلامـي عليهـم عـد مـاهـل مــن ودان سـلامٍ حــوا بالمـسـك عنـبـر وريحـانـي

تـفـكـرت فـالـدنـيـا ولقـيـتـهـا الـحـقــران وهي مادرت بي والصبـح الوقـت منانـي

حديت الهجـوس وخوتـك ياولـد شرهـان تعلـمـنـي أن الـخـيـر مــــازال مـلـيـانـي

سلـيـل الـمـعـزة والـعــزاوي ودلـــك زان ويكفيك فخر أن قيل لك يابـن شرهانـي

أنا أشفق على خوتك وأثني لها العرفان شفوقي على شعر المراجل والاوطاني

مثل ما يجـود الشاعـر نعيـر أبـن شلـون لـيـا أذهــل شـعـور متابعـيـنـه وبـكـانـي

رفيـقٍ لنـا وسـط الـنـداوي بـنـى ديــوان وغيّـب ولا أدري ويــن قـفـى كحيـلانـي

لكـن جعـل ربـي يكتـب الخيـر ياقهيـدان وعلـى ذكريـات أكتـب قبيـلا هنـا كـانـي

محاورة الشاعرين حمد الدحابيب المري و عكاش بن غزاي

عكاش بن غزاي

 يالدحابيب غايب لك ثلاثين ليله=وانت تاجر ولك فالسوق قسم ومحلي
الدليله ما يبغى فالمساري دليله=بعدها علم طارٍ لي وياطير ياللي

حمد الدحابيب المري

 الدحابيب يرقب له ليالٍ قليله"="ثم يضحك على بقشان وأبامجلي
فاهمك فاهمك وأم النفوس الذليله"="مايشادي لها من فيه شكة وذلي

عكاش بن غزاي

مانوينــا نجيب الزند عنــد الفتـيلــه "="تتعب اقدام رجلك ماوصلت المطـلي
يوم كبّيت غرمك ويش راي القبيله "="عقب ربّعت سبع اسنين نقرة حولّي

حمد الدحابيب المري

كل وقتٍ وله تصريف مهما يجيله"="صح يامل قلب اللي من الوقت ملي
من يدور لقاء عكاش ولا بديله"="غير مالازم أعلمك لا قلت قلي


                                  محاورة (منتديات النوادر للتراث الشعبي) 05-23-2004

محاورة بين الشاعرين حمد الدحابيب المري و منصور البادي

منصورالبادي

يالدحابيب خلك في ظلال الشريعه=بعد حكم الشريف حسين بالظلم شاعي

مير بيني وبينك والخبر.. لا..تذيعه=خل راع المحل اليوم يطوي الشراعي

حمد الدحابيب المري

الدحابيب يالبادي حصونه منيعه"="غير يدعم حقوق اللي من الضيم ضاعي
السعه عن جواحيد المواقف وسيعه"="جر صوتك وأنا للصوت يالقرم واعي

منصورالبادي

لا تحما لحربٍ مثل حرب الوديعه=مير خلك على ماقيل بالخير ساعي

طبعنا ماتغير يامغير طبيعه=مايعدل طبوعه غير لوى الذراعي

حمد الدحابيب المري

والله ماحن ببادين الجفاء والقطيعه"="وأنت وازن هجومك يافتى لدفاعي
والذهب ماتغيره الظروف الشنيعه"="ماتغير مع أهل الطايلات نطباعي

منصورالبادي

من يبيعيك على ماقيل لازم تبيعه=بعد يوم اللقا قدام يوم الوداعي


يالدحابيب ودي تحفظون الوديعه=الشجاع الذي في كل ماقف شجاعي

حمد الدحابيب المري

راعي الطيب يامنصور يذكر صنيعه"="والردي لا تواجدنا يجيه انصارعي
المثل قال وقتٍ مايطاوعك طيعه"="بس أنا أقول ماله يبيض الوجه داعي

منصورالبادي

التلفزون كل المشكله من مذيعه = والغويفل مديره مادرى وش يذاعي

العرب بعضها تاخذ مثلكم ذريعه=ولا انا ماخذ الا كلمةٍ باقتناعي

حمد الدحابيب المري

الله أعلم ومثلك دايماً فطليعه"="عارفٍ كل علم ولك معاه أستطاعي
أحمد اللي وهبني صخرةٍ ماتميعه"="نار الانذال واللي ماوصلوا لرتفاعي

محاورة بين الشاعرين حمد الدحابيب المري و بندر بن منصور

بندر بن منصور
ياحمد يا الدحابيب ممسـى وخيـر=عـدهـا يالدحـابـيـب لـــي عـدهــا
قبـل تقبـس وانـا يارفيـقـك خبـيـر=واعرف الناس في مزحها وجدها

حمد الدحابيب المري
أبن منصور غنى ووضعه خطير=وطلبـة القـرم والله ماردهـا
سرها والمقادير حسبة ضريـر=ماتفيـده عيونـه ولـو لدهـا

بندر بن منصور
انـت سيـفٍ مجـرب وفعلـه شطيـر=وأعـــرف الـكـايـده قـــدك وقـدهــا
شفت علمٍ يصير او عسى مايصير=منـه الاجـواد بـاحـت خـفـا سـدهـا

حمد الدحابيب المري
ماعلا حضرتك زود وأنت الامير=الاميـر الاميـر أخذهـا ودهـا
لين تصفى قلوبٍ سطاه شريـر=وأخلف الناس والناس ما ودهـا

بندر بن منصور
انتبـه ياحمـد قبـل صـوت النذيـر=وفـقـه الــدرس والنايـبـه ردهـــا
الجمـل ميزتـه عنـد قـب الهـديـر=وبنت صوغان تركي على زندها

حمد الدحابيب المري
أنت لو كان مافيك خيرٍ كثيـر=ماتجيك الوسايط علـى بدهـا
أزهم المدعي وأزهم المستجير=وأزهم اللي بناهـا ولا هدهـا

بندر بن منصور
هبت العاصفه صبح وإلا عصير=الـوكـاد المبـانـي حـصـل هـدهـا
ماتفيـد الوسـايـط ولابــه شـويـر=مشكـلـه ياحـمـد لعـنـبـو جـدهــا

حمد الدحابيب المري
المشاكـل تولـي سـوات العصـيـر=والملاعيـن ندعـس علـى خـدهـا
وأن رضا من زعل وأن زعل من يثير=المصايـب حدينـاه مــن حـدهـا

بندر بن منصور
من لفتها تحت فرشته والحصير=هقوتـي ان التكاسـي نـوا كـدهـا
مايبهذلـك بالوقـت كـود الغريـر=عشـرة ارقـوم تتعبـه فـي عدهـا

حمد الدحابيب المري
ورد هداج تيما تحـث المسيـر=والعرب دوم تارد علـى عدهـا
أحسب أحسب سنتها مع كل طير=أربعين اخصم أرقـام وأعتدهـا

بندر بن منصور
ماحسبنا حشى وردها والصدير=ميـر يمنـاك لاهنـت لــي مـدهـا
الصراء مايمثـل سـوات الغديـر=الله يـلـد مـــن مـــر ثـــم لـدهـا