مـحـمـد يـا مـحـمــد يـابــن عـمــي

ســرى اللـيـل وطـواريـه كـثـيـره وانـا شاعـر وأمثـل لـي عشيـره

وفي راسي من المعنى طواري وفــي صــدري طـواريـقٍ مـريـره

قبل لا أقـول وش علـم القريحـه علـى كـل أجـودي يـربـط بعـيـره

فمـن جـات اللقافـه مـن نصيـبـه فـلــه عـنــدي خـوابـيـراً كـبـيـره

أنـا مــن بــدت العـربـان مابـغـي سوى اللي له مواقيفن شهيـره

على وضح النقا ما هـوب غابـي كريـم الجـاه ممدوحـن مسـيـره

ولـد شـرهـان كـسـاب المـدايـح ولـد عـمـي حـزامـي والذخـيـره

محمد لا طرى لي ما طرى لـي علـى شـرواه بيـحـت السـريـره

كتـب ربـي علـى الأنسـان يبـلاوحــنــا مـالـنــا مـعـبــود غــيــره

صديقي من صدقني فالنصيحـه وأنــا مـاكـل رجـــال أستـشـيـره

صديقـي مـن صدقنـي فالمـوده يبادلـنـي الـوفـا شـــره وخـيــره

ليا كبـرت علـي مـن كـل وجهـه يـوقـف لـــي مـواقـيـفٍ خـطـيـره

وليـا كبـرت عليـه وشــان وقـتـه أوقـف لـه قبـل يـرسـل سفـيـره

وأنــا عــذار وأعـــذر النـشـامـى وأمشيـهـا لـهـم قـبـل الاخـيــره

ووسـع بـالـي لـيـا ضــاق بـالـي ولــي عشـريـن دار بـكـل ديــره

وذا مــن فـضـل خـــلاق الـبـريـه علـيـم الـحـال جـبـار الكـسـيـره

لكـن اللـي طـرى لـي يامحـمـديشيـب الطفـل ويحـوس مـريـره

محمـد يـا محـمـد يـابـن عـمـي على كبدي كما مـس السعيـره

ياشين الشين لا صارت ظروفـك تعـانـد موقـفـك وتـشــد سـيــره

وش يسوي اللذي كابد همومـه بصيـر الـشـوف وايديـنـه قصـيـره

وأبـوكـردوس ملـعـون الـصـلايـب يقـط النـاس فـي مسمـوم بيـره

مجند له مـن الانـس احلفـاء لـه وانا خايف علـى النـاس الفقيـره

يـزيــن شـــي لــــو زان وتـهـيــا لقيت النـاس فـي نقمـه وحيـره

مرض مالها من الطب أستشاره والامثل مستحيل يشـاف غيـره

الاستأصـال غـيـره مــا ينـاسـب وهــذي عـدهـا مـنــي صـغـيـره

واذا عندك علـى معنـاي معنـى تـهـرج والمـعـانـي لـــك كـثـيـره