محاورة بين الشاعر حمد المري و الشاعر مشعل ابن عنان

 

اقدم لكم المحاوره التي كانت بين الشاعرين

رغم المسافه بين تايلاند وقطر إلا ان المحاوره كانت متواجده

مشعل ابن عنان

ياسلام الله على الي يحكم الأريـا برايـه كلما جى عند ربعه من غلاته رحبـوا بـه

ابـــن جـابــر مـؤمــن بالله وتبـكـيـه ايـــه وإن عصى ولاغلط يستغفر الله من ذنوبه

حمد المري

يـاهــلا يامـرحـبـا بــــك بـالـبـدايـه والـنـهـايـه وانتَ من ربعي وذا طبعي وعزوتك امحسوبه

كـان فـي قلبـك مـن الإيمـان يبكيبـك معـايـه اطـلـب الله يغـفـر اذنـوبـك ويعفـيـك العقـوبـه

مشعل ابن عنان

وش علوم الشله الي قطعولك من قفايه كل من نـادا وغنـا بالنميمـه رحـت صوبـه

خابرنك شاطرن في المسرحيه والدعايه والله انك في يديهم صايـرن مثـل اللعوبـه

حمد المري

لاتبلشني وانا اطلب لـك مـن الله الهدايـه رح لخوك ورح لبن عمك لاتلحقني نشوبه

سامعن صوتك تفسر للعرب عكس معنايه ول ياهمـام اثـرك ثعيـل وكلـيـب اغـدروبـه

مشعل ابن عنان

بانين لك في مبانـي صحبتـي اكبـر بنايـه يلـفـت العـالـم شبابيـكـه وبيبـانـه وطـوبـه

تحفـظ اسـراري ولاكنـك تعرضهـا الوشايـه تلبس اثياب الصديق ونعرف الواشي بثوبه

حمد المري

المثل قال ان كل حصـان لـه كبـوة جنايـه وانت متجني علي والجو عندك به رطوبه

الصديـق اعاملـه ياصاحبـي مثـل المرايـه والمرايـه تعكـس الصـوره ونيتـك معطوبـه

مشعل ابن عنان

انت يارجـال نـازي حاملـن بالحـرب رايـه يبغي المحور تحارب بـه ولاكـن مادروبـه

كل راوي زاد من عنده وبهر في الروايـه كنها الرعيان لاشافوا ولد شاهن حكوبه

حمد المري

الـعـرب يــدرون عـنــا وش وراك وش ورايـــه وان عجبك الوضع ولا احلق على دانيك ثوبه

 محاورة
08-11-2010 ( ريضان القصيد)