غانم الذيابي
|
هـلا يامرحبابـك ياحمـد فـي منـتـدى المـرقـاب
نيابه عن حبيب والاداره ..( وسر ياسـاري )
|
|
انا بنشدك عن قصة غيابك وشهي الاسباب
تباها العولمه ولا التجاره ..( وسر ياساري )
|
حمد الدحابيب المري
|
هلا دام البقاء فالصاحب اللي قدر الاصحاب
أصالة عن لساني وأستعاره (وأسـر ياسـاري)
|
|
تغيـبـنـا عـلـشـان الـعـتـاب الـلــي وراه أحــبــاب
وأنـا ماحـب عـبـاد الحـجـارة (وأســر يـاسـاري)
|
غانم الذيابي
|
علـيـك الله واكـبـر ياحـمـد فــي المـوقـف الغـصـاب
ليا جاب الزمن غاره وغاره .. ( واسـر ياسـاري )
|
|
حمينـا دارنـا بالسـيـف الابـيـض مـاهـو المشـعـاب
شوي وصاحبك نصدر قراره .. ( واسر ياساري )
|
حمد الدحابيب المري
|
كبير الله علـى كـل البشـر يـا المسلـم النصـاب
وهذي منك يا المجرم عياره و(أسر يا سـاري)
|
|
تهيض يا الذيابي كان في قلبـك مغـارس نـاب
ولكن خل عنك أهل الصداره و(أسر يا ساري)
|
غانم الذيابي
|
بعضكم في بلدنا .. مالقـا الا الطيـب والترحـاب
وبيت العز مايهدم جداره .. ( واسـر ياسـاري )
|
|
عـلـى كيـفـك تكـلـم خـابـرك مــن فعلـنـا مـنـصـاب
لبسنا ياحمد بشت الاماره .. ( واسر ياساري )
|
حمد الدحابيب المري
|
يازين المسك والريحان ريحـه للعـرب جـذاب
وأنا ماني مكلف بالزيـاره و(أسـر يـا سـاري)
|
|
أنا ماهمنـي هرجتـك ونجـوم السمـاء سٌكـاب
مدام ان القمر مالك مداره و(أسر يا ساري)
|
غانم الذيابي
|
تمشـى مـن طويـق اليـا صلاصـل ليـن ابـو مشعـاب
بعد ماكنت عايش وسط حاره .. ( واسر ياساري )
|
|
تـرا مسـجـد قـبـاء مـاهـو حــرم لــو شفـتـو المـحـراب
ولاهـي واجبـه فيـه الزيـااااره .. ( واسـر يـاسـاري )
|
حمد الدحابيب المري
|
انا مـادري تـدوس الـداب ولا ينتوشـك الـداب
تعاملنا على حسب العباره و(أسر يا ساري)
|
|
لـي منـه تشييـع صاحبـي سكـر عليـه البـاب
ويهدر دمه قـدام العمـاره و(أسـر يـا سـاري)
|
محاورة
08-12-2006
08-12-2006
(منتديات المرقاب الأدبية)
ليست هناك تعليقات:
إرسال تعليق