محاورة الشاعرين حمد الدحابيب وعلي بن حمري

حمد الدحابيب
الموافق من شهر ستة عشر سته مسيحـي=طار أبن حمري من الدمام وأمسى فالمدينـه
والموافق من شهر سبعة عشر سته صحيحي=قام يصهل فا للزوم حصـان والله لا يهينـه

علي بن حمري
ياحليلي منك يالسكني وياوجدي وويحي=ماتخلي شي ماتعرفه قبل يحين حينه
يايوقّف وقفةً يشفى بها قلب الجريحي=أو يخلي الرجل من شفه لشف معلمينه !!

حمد الدحابيب
أنت ماقصرت عديت الجزايل والنصيحـي=غير وش حال الصحيب اللي ترانا حاسبينه
من لقا له درب عوض فرصته والله يبيحي=بارك الله فالغني المغني وطالـت سنينـه

علي بن حمري
جعل حالك مثل صوتك زين يالاحي وليحي=والصحيب ابخير لكن الدكاتر عازلينه
لاتحسبني على فرحات خلق الله فريحي=وفي بعض الاحيان اكركر ضحك والعالم حزينه

حمد الدحابيب
يالعله منشرح بالك ولك صدرٍ شريحي=مانبي منك ياكود العلم والدعوى دفينـه
الله أعلم ويش في لب الضماير يامليحي=صيحةٍ بالعز يوم ترجح سنين الغبينـه

علي بن حمري
اطلع من السالفه برااا وريّح واستريحي=مالك ومال البحر والموج وحمول السفينه
ماينبش فى القبور إلا معليّة النبيحي=ولا يفتش فى الصدور إلا عدوين السمينه

حمد الدحابيب
لا تشح بكلمةٍ تذكرك وتسمـى شحيحـي=والشحيح اللي يشح بكلمته شحت يمينـه
ياعلي مال الصراحه غير رجالٍ صريحي=غير ليت الاش كلمة لاش تكتب في جبينه

علي بن حمري
ليس من يجمح من العربان سموّه الجميحي=مر زدت الطين ماي ومر زدت الماي طينه
لاتعجّل سبتي ولا توخّر عن مديحي=حط رجلاً مع بليّ وحط رجلاً مع جهينه

حمد الدحابيب
أنما الأحسان وهبت من وهب مزح المزيحي=ماتساوى فالقلوب ولا تسـاوي فالرطينـه
مايجيك الا مايكتب لك لكن راس الوضيحي=مثل راس الظبي كم قلي لفاك من الخزينـه

علي بن حمري
لاتحسب المدح في باعشن ولاّ أحمد فتيحي=فى الملوك أللي معى الله طبقو شرعه ودينه
قو وجهك ياحمد قواه يالزين القبيحي=ألاسد لاتقترب صيده ولاتدخل عرينه

حمد الدحابيب
أثر بن حمري مايتعامل مع القصد المريحي=والملوك الله مغنيهم من الشعـر وقرينـه
لا تون ولا تحن ولا تهـدر ولا تصيحـي=مـدة الوالـي ولا مـدة بخيـلٍ حاقرينـه

علي بن حمري
احمد الله طيّب مجناي والساني فصيحي=وراعي الاقصاد يبطي عظم قبل يسد دينه
لاتقول ولا تطول ولا تصد ولا تشيحي=عندنا لك كف خالي مد واذنن من عجينه ,,,,,

 محاورة ( منتديات قحطان ) 04-07-2006